Ham leh pao kibang, phung 30 val, "ipiham" tiho kituomona leh khantou theilouna hi haosa kivaipohna leh Thadou phung min'a tribe kisiem jeh ahi. Hiche thuhi lamkai leh khangthah hon phatah'a gel angaiye. Hiche buoina hi thilneo ahipoi, hiche buoina hin insung, khosung, vengsung, gamsung, namsung leh society asuhset jou ahitai.
Haosa kivaipohna jeh in inn tampipi in ichengkhom thei tapouvin, hijehchun, khothah sat atam cheh² in, khantouna leh pankhomna aumthei tapoi. Khoneo cha² a ichen thang lele jeh uvin Meilhei leh Milong hon kho leh gam tampi ahal lha uvin, ei lahpieh tauve. Kho leh gam huhbit jou nading in, inn tamppipi a chenkhom angaiyin, in tampipi a chenkhom thei nading in kho haosa thaneina leh haosa vaihomna hi suhnang masat angaiye. Chuleh, hetding khatchu ahileh, Haosa thaneina leh haosa vaihomna hi suhmanga haosa ho lekha vang suhmang louding ahi.
Chuleh, chon leh khan kibang, jatpuon kibang, ham leh pao kibang, ucha pacha, insung khat, *"ipiham"* tiho, phung 30 val holah'a Thadou phung min'a tribe kisiem hi phungdang ho dinga pomtheilou thil ahi. Hijehchun, ham leh pao kibang jouse, phung 30 val jouse kankhom thei ding tribe min siem utin, hiche tribe min achun "ipiham" tiho jouse umkhom ute. Tribe khat'a umkhom ding nanoplou uleh hiche umkhom natheilou Thadou phung tribe, AKT leh Mate phung tribe min'a hi iki dem² uva, iki nah² jeng diu ahitai.
Sopite, phaten gel ute, haosa thuneina, haosa vaihomna leh phung tribe hohin ei kankhom theilou'u ahi. *"Puonse a mei-am kichun'a mei-am in puonse chu akah khutdoh thou² ji bang akhu, hiche phungmin a tribe kisiem leh haosa kivaipohna hi ham leh pao kibang eiho sunga kibung khanna, kinahna, kinelna, leh buoina sohdoh thou² ji ahi."*
Hijehchun, lamkai ho leh khangthah hon hiche chungthu hi phatah in gel utin, pankhom theina ding, kipumkhat theina ding, kithutuona ding, leh chenkhom umkhom theina ding joh gel tau hite.
Na sopiu Keima:
Thangminsei Doungel
_Copy&Paste_
~ WAP
.jpeg)
