ZYA India leh ZYA Myanmar te’n kithuahkhawmna nei

LAMKA, Oct 6, 2017: Nanpulun Baptist Church, Tamu, Myanmar ah October, 4 & 5 in ZYA/GHQs lndia leh ZYA Myanmar GHQs ten kimuhkhawmna leh maban kalsuan dingdan kikupkhopna nei uhi. Hiai hun a tel ding in October 4 in ZYA India GHQs ten Mini bus khat Leh Bolero nih (2) zangin Lamka nusia in Moreh zuan in kuankhia ua, Moreh ah CYA Moreh Unit ten ana vaidawn in, hiai ni mah in ZYA Myanmar Iamte leng Kalaymyo, Rangoon leh mun tuamtuam apan paikhawm in, Tamu ah kisutuah ua, nitak in kimeltheihtuahna leh Fellowship hun zangkhawm in, ZYA India in nitak Ann nekkhawm pih uhi. October 5 zingkal in thu tuamtuam kikupkhawmna hun in zang ua, ZYA Saklam (India) Khanglam (Myanmar) paidan Ieh a nasepte ban ah maban kalsuan ding-dan, bang chi leh Zomi khangnoute kisamat, kingaina zawsem leh kimaingal zawsem a kaI suankhawm theih ding dan kikup khawmna leh thu poimawh tuamtuam genkhawm uhi.

Zomi sung a Nam (Tribe) tuamtuam a organisation tuamtuamte huapzoutak leh kitheisiamtuahtak a kalsuan poimawh dan leh Zosuante a tam thei lam kimuhtuah leh kithuzaktuah poimawh a sak dan uh hiai hun ah genkhawm in, ZYA Myanmar in Vokkhat gou in India apan kalsuante annkuang umpih uhi. ZYA GHQs lndia leh ZYA Myanmar GHQs kithuahkhawmna hun ah India apan palai 29 leh Myanmar apan palai 30 kihel ua, hiai hun lohching tak a zat ahihtheihna dia panla mimaI leh pawl tuamtuam tung ah ZYA GHQs, India in news tungtawn in kipahthu gen uhi. 

~ THE LAMKA POST

Share: